SIBARITA

¡A mí n’amás me gusta
que dali gustu al cuerpo!
Si yo juera bien rico
jacia n’amás eso;
jechalme güenas siestas
embajo de los fresnos;
jartalmi de gaspachos
con güevos y poleos;
cascalmi güenos fritis
con bolas y pimientos;
mercal un güen caballo;
tenel un jornalero
que to me lo jiciera,
pa estalmi yo bien quieto,
andal bien jateao,
jechal ca instanti medio,
fumal de nuevi perras
y andalmi de paseo
lo mesmo que los curas,
lo mesmo que los médicos...

Si yo juera bien rico
jacía n’amás me eso.
¡Que a mí n´amás me gusta
que dali gustu al cuerpo!